http://www.hkgolden.com/articles/article.aspx?id=20976&catid=33

自尋死路？任天堂NX最盡行900p/60fps   2016年1月21日 文：女漢子

任天堂新世代主機NX最快要等E3先出嚟，人人買重佢落足料，以求喺遊戲界鹹魚翻生。呢兩日有多則相關消息彈出，大部份規格幾令人滿意，但當中有證據顯示NX遊戲畫面最高為900p/60fps，咁嘅質素確定贏到對手？ 事緣華爾街日報記者引述外界傳言，指任天堂NX能夠跨平台合作，包括PS4、係智能手機同電腦，打破晒主機界限；同一時間跟任天堂有僱用關係嘅市場調查公司GFK發表報告，內裡詳細列出疑似NX資料：支援成就系統、4K/60fps影片串流，而遊戲進度可隨意於主機及「手提裝置」讀取，相信手掣上會有屏幕，等用家去到邊打到邊。 重點在於列表內最後一項，NX主機運行遊戲期間，畫面最高將以900p，更新率60fps呈現。雖然60fps幾強悍，但Xbox One、PS4喺某啲game均有能力爆上1080p/60fps，GFK更指獨佔遊戲為Mario、Donkey Kong、Zelda等，始終缺乏第三廠大作支持，任天堂想追上嚟唔係咁易。 資料來源:PlayStation LiftStyle